wWaslapractice API

ابدأ هنا: إزاي تستخدم وصلة مع n8n

وصلة موقع تدريب شبه مواقع التواصل المهنية، معمول مخصوص عشان تتعلم توصّل أي API بـ n8n وتستقبل Webhooks، من غير ما تدفع ولا تخاف تبوّظ حاجة. كل اللي بتعمله بيفضل في نسخة خاصة بيك لوحدك.

1) اعمل حساب وخد المفتاح

اعمل حساب جديد (اسم وإيميل وباسورد بس). بعدها هتلاقي المفتاح بتاعك (API Key) في صفحة Developer.

المفتاح ده زي كلمة السر بتاعتك. أي حد معاه يقدر يعمل حاجات باسمك جوه الموقع، فمتحطوش في بوست ولا في screenshot.

2) أول طلب في n8n

  1. ضيف node اسمه HTTP Request.
  2. دوس Import cURL والصق الأمر ده:
    curl "https://api.abdallahhelal.cloud/api/v1/me" \
      -H "X-API-Key: YOUR_API_KEY"
  3. دوس Execute step. هيرجعلك البروفايل بتاعك بالـ JSON.

3) شيل المفتاح من الطلب وحطه في Credential

لو سبت المفتاح مكتوب جوه الـ node وشاركت الـ workflow أو بعته لـ ChatGPT، المفتاح هيتسرب. الحل:

  1. Authentication ← Generic Credential Type
  2. Generic Auth Type ← Header Auth
  3. Name = X-API-Key و Value = المفتاح بتاعك
  4. امسح الـ header اللي الـ Import cURL كان حاطه، وجرّب تاني.

وصلة بتقبل المفتاح بـ 3 طرق (في الـ header، أو Bearer، أو في اللينك نفسه). الشرح الكامل في صفحة الـ docs.

4) ابعت حاجة تغيّر في الموقع

curl -X POST "https://api.abdallahhelal.cloud/api/v1/posts" \
  -H "X-API-Key: YOUR_API_KEY" \
  -H "Content-Type: application/json" \
  -d '{"text": "أول بوست من n8n"}'

افتح الـ Feed هتلاقي البوست بتاعك. واستنى ثواني، هتلاقي حد عمل لايك وحد علّق.

5) بوّظ بالقصد وافهم الأخطاء

اعمل كدههيرجعمعناه
شيل المفتاح401المفتاح مش موجود أو غلط
غلّط في اللينك404العنوان مش موجود
ابعت JSON ناقصه قوس400الطلب نفسه بايظ
ابعت بوست من غير text422ناقص حقل مطلوب
ابعت أكتر من 60 طلب في دقيقة429استنى شوية
كلّم /test/flaky503 مرتين وبعدين 200شغّل Retry On Fail

عشان تشوف رقم الخطأ جوه n8n: Options ← Response ← Include Response Headers and Status. وكل طلب بتبعته بيتسجل في صفحة Developer برقم الرد بتاعه.

6) الـ Webhook: الموقع هو اللي يكلمك

  1. في n8n ضيف Webhook node وخلي الـ HTTP Method = POST، وانسخ الـ Test URL.
  2. في صفحة Developer الصق اللينك، واختار الأحداث اللي عايزها، ودوس Add webhook.
  3. في n8n دوس Listen for test event، وفي وصلة دوس Send test. هتلاقي الحدث وصل.
  4. جرّب زراير «Make something happen»: حد يبعتلك رسالة، أو طلب تواصل، أو يعلق على بوستك. كل واحدة بتوصل لـ n8n على طول.

لازم اللينك يبقى على الإنترنت. لينكات زي localhost مش هتشتغل، فاستخدم n8n اللي على السيرفر أو n8n Cloud.

تمارين مقترحة

  1. هات كل الناس اللي في القاهرة من كل الصفحات (Pagination) وحطهم في Google Sheets.
  2. أول ما توصلك رسالة (message.received) ابعتها على تليجرام.
  3. قدّم على كل الوظايف الـ remote اللي نوعها full_time، من غير ما تعدّي الـ 60 طلب في الدقيقة.
  4. ابدأ تصدير (POST /exports) واستناه بالـ Polling لحد ما يخلص، ونزّل الملف.
  5. أي تعليق جديد على بوستك (post.commented) خلي AI يكتب رد عليه وابعته بـ POST.

الشرح الكامل لكل حاجة (بالإنجليزي زي أي API حقيقي) في صفحة الـ docs.